" ရေ "

ရေငတ်သူကို
ရေရှိသူက
ရေကြည်တစ်ပေါက်
ဖေါက်ချပေးသော်
ရေကျိုး ဆယ်ပါး
မတောင်းပြည့်၏
ရေငတ်လေသူ
ရင်ဝယ်ငြိမ်း၏

ဒီကဗျာလေးကတော့ ကိုလဂွန်းအိမ် ရေးစပ်သီကုံးပေးထားတာပါ မြန်မာနိုင်ငံမှာ ရာသီဥတု အပူချိန် စံချိန်တင်မြင့်တက်လျက်ရှိတဲ့ မြန်မာနိုင်ငံရဲ့ အလယ်ပိုင်း ဒေသများဖြစ်သော မန္တလေးတိုင်း၊ မကွေးတိုင်းအတွင်းရှိ မြင်းမူ၊ မြင်းခြံ၊ မုံရွာ၊ မကွေး၊ မန္တလေး၊ ညောင်ဦးမြို့ပတ်ဝန်းကျင်တစ်ဝိုက်တွင် ထူးခြားနေ့အပူချိန်များဖြစ်ပေါ်ခဲ့သည့် နည်းတူ အပူဒဏ်ကြောင့် ဆေးကုသခံယူခဲ့ရမှုများလည်း ရှိခဲ့ပြီး ရုတ်တရက် သေဆုံးမှုများလည်း ရှိခဲ့ကြောင်း သိရပါတယ်။ အခုလို သေဆုံးမှုများတွင် အသက်အရွယ်ကြီးရင့်သူများ၊ မဆင်မခြင် အရက်သောက်သုံးသူများ၊ သတိလက်လွတ်နေ ထိုင်သူများလည်း ပါဝင်ကြောင်းသိရတယ်လို့ Weekly Eleven သတင်းမှ တဆင့် ကြားသိခဲ့ရပါတယ်။

မြန်မာနိုင်ငံရှိ မြို့အချို့တွင် ဖြစ်ပေါ်ခဲ့သောအပူချိန်

၁၂-၅-၂၀၁၀	ဒီဂရီစင်တီဂရိတ်
မြင်းခြံမြို့	၄၅ ဒသမ ၆
မုံရွာ	၄၅
ညောင်ဦး	၄၅
ချောက်	၄၅

၁၃-၅-၂၀၁၀	ဒီဂရီစင်တီဂရိတ်
မြင်းခြံ	၄၆ ဒသမ ၅
မုံရွာ	၄၅ ဒသမ ၇
ညောင်ဦး	၄၄ ဒသမ ၈
မကွေး	၄၅ ဒသမ ၅
မြင်းမူ	၄၇
မန္တလေး	၄၅

တကယ်တမ်းတော့ အပူချိန် ၃၀ဒီဂရီဆိုရင်တောင် အင်မတန်မှ ပူပြင်းနေပါပြီ အခုလို ၄၀ဒီဂရီကျော်ဆိုတော့ ဘယ်သူမှ အပူဒဏ်ကို ခံနိုင်ကြမယ် မထင်ပါဘူး အခုဆို မြန်မာနိုင်ငံဒေသ အတော်များများ ဒုက္ခရောက်နေကြတယ် အထူးသဖြင့် မုံရွာမြို့ မှာ အတော်အခြေအနေ ဆိုးရွားနေတယ်လို့  သူငယ်ချင်းတစ်ယောက်က forward mail ရောက်လာပါတယ် တချို့အိမ်တွေဆို ရေတွင်းလည်း လုံးဝ ခမ်းခြောက်သွားပြီး  တမြို့လုံးမှာလည်း ရေခဲတွေ ဝယ်လို့ မရအောင် လုံးဝ ပြတ်တောက်နေပြီလို့ ပြောပါတယ်။  မိုးခေါင် ရေရှားမှု နဲ့  ဆက်စပ်ပြီး အခြေခံစားကုန်ဈေးတွေလည်း တက်လာတယ် လို့  သူက တဆက်တည်းပြောပါတယ်။ မုံရွာမြို့ ပေါ် ရပ်ကွက်တွေ မှာလည်း ရေပြတ်လပ် မှု နဲ့  ကြုံနေရပါတယ်။ ရေလှူဒါန်းတာတွေလည်း မရှိဘူးလို့ ဆိုပါတယ်။

အခုလို သတင်းတွေကြားရပြီဆိုတာနဲ့ သူငယ်ချင်းတို့လည်း တထောင့်တနေရာကနေ ကူညီပေးနိုင်ကြမယ်လို့ မျှော်လင့်ပါတယ် ထမင်းအသက် တစ်ရက် ရေ အသက် တစ်မနက်ဆိုတဲ့ စကားအတိုင်း ရေဟာ လူ့ဘ၀ အသက်ဆက်ရှင်နိုင်ဖို့အတွက် အင်မတန်မှ အရေးကြီးတဲ့ အရာတစ်ခုပါ။ လူသားအချင်းချင်း စာနာရိုင်းပင်းကူညီသောအားဖြင့် မိမိတို့ တတ်နိုင်တဲ့ဘက်မှ ရေအလှူဖြစ်ဖြစ် ငွေကြေးအလှူပဲဖြစ်ဖြစ် နည်းတာ များတာ ပဓါန မထားပဲ ကုသိုလ်ပါဝင်လှူဒါန်းနိုင်ကြစေရန် ဒီပို့စ်မှတဆင့် နှိုးဆော်တိုက်တွန်းပေးလိုက်ရပါတယ်  

ရေ၏အကျိုး သယ်ပိုးသူများအား ဂုဏ်ပြုပါ၏ 
ဒီကဗျာလေးရေးစပ်ပေးတဲ့ကိုလဂွန်းအိမ်ကိုလည်း အထူးပင် ကျေးဇူးတင်ရှိပါကြောင်း..................

အားလုံးကို ခင်မင်လေးစားလျက်
ဝိုင်း